Ólafur Andri Ragnarsson heldur erindi fyrir okkur í sal VFÍ á Engjateigi 9 þann 18. maí klukkan 11:30-12:30. Samlokur verða í boði fyrir gesti.
Lýsing á erindi: Nýsköpun er forsenda tækniframfara sem eru forsendur framþróunar. Nýsköpun byrjar yfirleitt smátt og þarf margar ítranir til að virka. Frumkvöðlar sem eru að búa til nýjungar þurfa ekki einungis að glíma við tæknina og takmarkanir hennar, heldur einnig skoðanir og álit samtímamanna sem sjá ekki alltaf tilgang með nýrri tækni. Í þessum fyrirlestri skoðar Ólafur Andri nýsköpun og þær framfarir sem hafa orðið. Einnig skoðar hann hvert tækniframfarir nútímans muni leiða okkur á komandi árum.
Um fyrirlesarann: Ólafur Andri Ragnarsson er aðjúnkt við Háskólann í Reykjavík og kennir þar námskeið um tækniþróun og hvernig tæknibreytingar hafa áhrif á fyrirtæki. Hann er tölvunarfræðingur (Msc) að mennt frá Oregon University í Bandaríkjanum. Ólafur Andri er frumkvöðull og stofnaði, ásamt fleirum, Margmiðlun og síðar Betware. Þá tók Ólafur Andri þátt í að stofna leikjafyrirtækið Raw Fury AB í Stokkhólmi.